"Cas Tsis Ntxov Qhia"

    Share

    sengpor

    Registration date : 2016-03-15

    "Cas Tsis Ntxov Qhia"

    Post by sengpor on August 11th 2016, 1:58 am

    “Cas Koj Tsis Ntxov Qhia”


    Wb sib paub los tau ntau hli
    Tham luag ntxhi yam lom zem heev
    Nplooj siab seev tos ntsoov koj qhia
    Tias yuav cia kuv ua koj tug




    Niaj hnub nug tias koj puas hlub
    Xav muaj khub xav yuav txiv lawm
    Lub sij hawm dhau mus zuj zus
    Cas kuv tus tsis hais qhia li


    Xyov koj ua si los yog ua tiag
    Tsis qhia kiag kuv yeej tsis paub
    Tsis to taub hauv koj lub siab
    Ces xyoo tshiab lawv thiaj tuaj hais


    Hmoob leej ntxhais thiaj tau swb lus
    Ua lawv tus pw lawv xub ntiag
    Koj mam qhia kiag tias koj hlub kuv
    Sij hawm luv kuv thim tsis tau


    Mob siab dhau vim koj qhia lig
    Es yuav tig rov tsis tau lawm
    Ua siab tawm mus hlub nrog luag
    So kua muag ncaim koj mus os


    Es txhob tos kuv lawm nawb mog
    Vim tias yog wb hmoov tsis raug
    Kev nkauj nraug sib hlub luaj no
    Es cas ho tsis sib tau thiab


    Txawm mob siab los ua tiag uv
    Vim tias kuv tau swb lus lawm
    Tsis xav tawm los yuav tau mus
    Ua siab tus es txhog quaj mog


    Xav tias yog kev npau suav xwb
    Yog koj wb sib qhia thaum ntxov
    Ntshe tsis hnov wb lub suab quaj
    Yuav tsis muaj hnub zoo li no


    Yuav sib tso nyias mus nyias lawm
    Cia sij hawm kho lub siab os
    Koj mus los ua zoo saib nawb
    Ua siab dawb rau tus neeg koj hlub


    Tsis txhob pub zoo li kuv lawm os
    Txhob cia lawv tos tsam koj ho plam
    Yog sib tham sib nyiam lawm ces
    Tuav loo tes qhia koj kev hlub rau lawv paub os mog me nraug hmoob….


    Laj nyob lam sau xwb os, siv sij hawm sau yog 12 nathis...

      Current date/time is August 16th 2018, 2:46 am