"Hlub Mus Li"

    Share

    sengpor

    Registration date : 2016-03-15

    "Hlub Mus Li"

    Post by sengpor on March 16th 2016, 2:57 am

    “Hlub Mus Li”
    Hlub ib zaug nco mus ib txhis
    Hlub ib ntsis nco mus ib tiam
    Kuv nyiam nyiam koj rau nruab siab
    Me nplooj siab muab sau tag nrho

    Coj los tso rau koj ib leeg
    Yog tus neeg uas kuv hlub tshaj
    Kuv yuav npaj hlub koj mus li
    Yuav luag ntxhi nrog koj ua neej

    Kuv tsis xyeej txawm koj zoo li cas
    Ntawm kuv mas yeej txaus siab tag
    Kuv yeej nkag siab txhua tsav yam
    Yeej tsis lam yuav hais lus dag

    Txawm yav tag koj yuav zoo li cas
    Ntawm kuv mas tsis muaj qhov xyeej
    Kuv lub neej tsuas muaj koj xwb
    Koj kuv wb txoj kev hlub no

    Thov koj nco mus ib txhis nawb
    Ua siab dawb rau wb kev hlub
    Tsis txhob pub neeg los dag ntxias
    Txawm hais tias yuav muaj neeg thuam

    Rau luag yuam los txhob qaug zog
    Xav ntsoov txog wb txoj kev hlub
    Tsis txhob pub neeg los ntxias tau
    Thov muab sau cia rau nruab plawv

    Kom nws sawv tawg paj txi txiv
    Siab ntev tiv txoj kev txom nyem
    Txawm luag cem los ua tiag uv
    Nyob ntawm kuv yuav ua siab loj

    Kuv ntseeg koj txhua lo lus hais
    Hmoob leej ntxhais tus me ntxim hlub
    Hmoob leej tub yeej hlub tiag tiag
    Thiaj qhia kiag rau koj paub os



    Siab ntev tos hnub wb sib yuav
    Siab ntev tuav wb txoj kev hlub
    Nawb mog me leej muaj hmoob tus neeg kuv hlub aw!!!

      Current date/time is August 17th 2018, 12:01 am